Os encontros na mesa de levante son o xeito de abrir a nosa casa a outros compañeiros de profesión para compartir a nosa paixón pola cociña e achegar a súa proposta gastronómica a nosa cidade.

O xoves día 3 de novembro no restaurante NOVA baixamos a nosa mesa de levante para recibir a Iván Solá Baqueró e ofrecer un único menú degustación, ideado conxuntamente polo chef invitado e o equipo do restaurante.

Iván Solá traballou 17 anos en Can Fabes, restaurante que pertenceu á Traditions & Qualité, Les Grandes Tables du Monde, a Relais & Châteaux como Relais Gourmand con 3 estrellas Michelin.

Formouse xunto a Santi Santamaría, chegando a xefe de cociña e colaborador directo do chef. Entre as súas etapas en Can Fabes pasou por outros restaurantes como Abac e Enoteca de Canale, para ampliar a súa formación, e regresou a Can Fabes para a dirección dos proxectos internacionais de Santamaría.

3 DE NOVEMBRO | 21:00 h.
ÚNICO SERVIZO
PREZO 60 €
NECESARIA RESERVA PREVIA